Egypt-in IS Sinai branch hotu kaphlum

Egypt chuan Sinai Province-a Islamic State (IS) firfiak laka beihpui thlaknaah, an hotu Abu Dauaa al-Ansari chu a thi a, firfiak dang eng emaw zat an thi tel bawk niin a sawi.

Sinai Province hi Egypt rama inlakhran duhtu pawlte hluarna ber niin, Sinai leh Cairo-ah pawikhawihna thleng hrang hrangah pawh an inhnamhnawih a ni.

Egypt sipai thuchhuah chuan beihpui thlaknaah hian firfiak 45 chuang an thi a, midang tam takin hliam an tuar bawk niin a sawi. Firfiakte ralthuam tam tak tihchhiat sak a ni bawk tih a sawi a, mahse beihpui a thlak hun erawh chu an sawilang lo.

Kum 2013-a Egypt President aṭanga Mohamed Morsi paihthlak a nih aṭang khan Egypt ramah hian firfiaka chetna a hluar chho hle. Sinai-a IS branch hi a tirah chuan Ansar Beit al-Magdis tih an ni a, mahse kum 2014 November thla khan IS an thlawp thu hi sawiin, an pawl hming pawh hi an thlak zui a ni. Kumin March thla khan an pawl hian Sinai bial chhungah ṭum 31 zet pawikhawihna an thlen hman a ni.