UN-in Covid-19 special session buatsaih

United Nations General Assembly chuan nimin aṭang khan Covid-19 special session a buatsaih a, session chhung hian ram hruaitu 100 vel dawnin thu an sawi rin a ni.

Ni hnih awh special session hi vaccince siamna tur atan leh hri dona kawnga mamawh sum tuakna atana hman a ni dawn lo a, thutlukna puan pawh a awm lo ang. General Assembly thupuangtu Brenden Varman chuan sorkar mal leh a huho anga Covid-19 hri leng mek do dan chungchangte sawi a ni ang, a ti. Hri leng dona lamah kawng hrang hrangah hma lak a ni a, mahse tuna khawvelin a mamawh chu ram hrang hrangte, private sector leh vaccine siamtute lungrual taka an kal theih dan ngaihtuah a ni, tiin a sawi. 

Ram 140 chuanga hruaitu leh minister-te thusawi, a hmaa an lo record lawk tawh chu he session chhung hian tihchhuah a ni ang. Thusawi  tur zingah hian France President Emmanuel Macron, Germany Chancellor Angela Merkel, Britain Prime Minister Boris Johnson, Japan Prime Minister Yoshihide Suga, South Africa President Cyril Ramaphosa, leh European Union chief Charles Michel te an tel a, US aiawhin Health and Human Services Secretary Alex Azar chuan thu a sawi bawk ang.