Russia PM ban turin president phut

Russia Prime Minister Dmitry Mevdevev chu an ram economy chung≠chang a sawinaah, sawisel hlawh tak taka a ṭawngchhuah avangin PM a nihna
aṭanga ban turin President Vladimir Putin an phut.

PM Medvedev hian public forum neihah, Dagestan-a zirtirtu pakhatin zirtirtute hlawh chungchanga zawhna a siam a chhannaah, hlawh tam zawk leh hlawk zawk a duh a nih chuan sumdawng mai turin a hrilh. Hemi hma hian kum 2014-a an lak, Crimea biala sum leh pai lama harsatna nasa tak thleng vanga he bial tana pension tihpun a nih leh nih loh chungchangah zawhna chu pawisa a awm loh thu a lo sawi tawh bawk.

Hetihlai hian Medvedev-a deputy hian July thla khan private jet hmanga a zinkualnaah dollar maktaduai 1.6 zet a seng a, hei hi eptu lamte chuan beihna remchangah hmangin an sawichhuak fo a ni.

Zirtirtu hlawh chung≠changa PM chhan dan chu zirtirtute hmusitnaah ngaiin President Putin-a hnenah ban turin an phut a, kar kalta Ningani
aṭang khan internet kal≠tlangin bang tura phut nan mipui ngaihdan an la a, mi 163,000 chuang an inziak lut tawh a ni.

PM Medvedev chu ama dinhmun chauh ngaih≠tuah leh, mipui nawl≠puite dinhmun ngaih≠sak lohah a puh a, zir≠tir≠tute chung≠chang a sawi≠dan chu thil zahthlak tak a nih thu eptu pawl, Communist Party MP Vera Ganzya chuan a sawi.