BRICS member-ah Indonesia la lut

Indonesia chu intergovernmental organisation, BRICS full member-ah lak luh a ni ta tih bloc president dinhmun chelh mektu, Brazil chuan a puang. Indonesia ram chu an lo lawm thu a sawi bawk. Member 10 an ni ta a ni.

BRICS hi kum 2009-a Brazil, Russia, India leh China-in an din a ni a, kum 2010 khan South Africa ram a tel ve leh a ni. Niikum khan Iran, Egypt, Ethiopia leh United Arab Emirates in an zawm ve leh a, Saudia Arabia pawh sawm ni mah se a la zawm ve lothung. Turkey, Azerbaijan leh Malaysia chuan member nih an dil bawk a, ram dang ṭhenkhat pawhin an la ngaihven mek bawk. Khawvela mihringa awm mek zinga 40% dawn chu BRICS ramah hian awm a,an GDP hi khawvel pum GDP aṭanga 25% vel an ni pha bawk.

Khawvela mihring tamna ram palina, Indonesia hian a hma pawhin BRICS a zawm duh thu hi a lo sawilang tawh a, hei hi ram ṭhang mek dangte nena inzawmna leh thawhhona ṭha neihna tur kawng pawimawh tak nia a ngaih thu a sawi.