Palestinian unity sorkar a bang dawn

Mahmoud Abbas-a kaihhruai, Palestinian unity sorkar chu Gaza Strip-a an buaina avangin a bang dawn.

Thawhlehni khan Fatah hruaitu, Mahmoud Abbas hian Gaza Strip thununtu, Hamas-te'n Gaza-a hnathawh an remtih theih loh avangin a kaihhruai sorkar chu a bang dawn tih a puang.

Fatah hian West Bank an thunun a, Hamas-te'n Gaza Strip-ah thuneihna an chang thung. Palestinian pawl hnihte inkara harsatna awmte chinfel dan kawng zawngin, ṭangrual sorkar hi siam a ni a, nikum June thla khan sorkar thar hi lakluh a ni. Fatah leh Hamas-te hian ṭangrual sorkar siam hi remti mah se, sorkar din a nih hnuah an inkar boruak hi a ṭha thei lo a ni.

Hamas-te hi Gaza Strip-ah independent Islamic state din tumah Fatah chuan a puh a, hetihlai hian Hamas chuan thuneihna a chan a hlauh avanga Fatah chu inthlanpui neih tur pawh pumpelh dan kawng zawngah a puh thung.