NKorea-in khaw kheng a tuar mek

North Korea chuan kum za chhunga khaw kheng rapthlak ber a tuar mek tih sawiin, ei tur an tlakchham phah mai a hlauhthawnawm thu a sawi.

State news agency KCNA chuan khaw kheng hi buh chin tamna province-te'n an tuar nasa hle tih sawiin, an buh chin zinga 30% chuang chu a chhia tih a tarlang.

Kum 1990 chho khan North Korea ram hian ṭam a lo tuar tawh a, mi sang telin an thihphah a ni.

United Nations World Food Programme chuan NKorea hian ei tur lama indaihlohna a tawk fo a, a rama naupang awm zinga hmun thuma ṭhena hmun khatte chu an mamawh ang ei tur ṭha hmu pha lo an ni, an ti.

Ram hrang hrangte'n NKorea chhawmdawlna hi an pe reng a, an zingah hian South Korea pawh a tel. Kumin April thla khan UN chuan NKorea rama chaw leh ei tur ṭha dang pekna tur leh, thianghlimna kawnga hmalakna turin dollar maktaduai 111 mamawh a ni tih lo sawi tawh bawk.