Japan-in vote thlak theih zat kum a tihniam

Japan Parliament chuan an rama vote thlak theih zat, kum 20 china bihthliah chu kum 18-ah tihhniam a remti.

Parliament-in vote thlak theih kum bithliah tihdanglam a remtih hi kum 70 chhunga election system a tihdanglam lian ber a ni.

House of Councillors, upper house tia sawi chuan election law siamṭhat hi Nilaini khan a pawm a ni. Lower House chuan June 4 khan a lo pawm tawh bawk. Japan Parliament hian kum 1945 khan vote thlak thei chin kum bithliah hi kum 25 aṭangin kum 20-ah a lo tihniam tawh a ni.

Dan siamṭhat a nih tak avangin kum 18 leh 19, mi maktaduai 2.4 vel chuan vote an thlak thei dawn a, he dan siam thar hi kum khat chhunga hman tura tih a ni. Kum bithliah tihhniam vang hian ṭhalaite'n an ram politics an ngaihven phah bakah, an ngaihdante tarlangin an inrawlh tam ve phah thei dawn a ni.