Turkey President hlui a thi

Turkey President hlui Suleyman De­mi­ral (90) chu Nilai­ni khan an ram khaw­pui, Ankara-a Guven Hospital-ah lung ṭha lo leh thawk lama harsatna avangin a thi.

Doctor-te chuan President hlui hi Ni­laini zing dar 2.05-ah a thi tih an sawi.

Kum 1993-2000 chhunga Turkey Pre­s­i­dent hna a chelh bak­ah, Demiral hian kum 1960-1990 chhung khan ṭum sa­rih Prime Minister hna a chelh bawk a, si­pai chakna hmangin ṭum hnih paihthlak a ni.

Demiral-a kaih­hruai sorkar hi Tur­key ram economy leh society siamṭhatna kawngah a thawh hlawk hle nia sawi a ni a, thuneihna a chan chhung hian indus­try lama an ṭhan chak bakah, mipui din­hmun pawh a san phah hle.

Civil engineer zir chhuak, Demiral hian kum 1960-a sipai chakna hmanga sorkar paihthlak a nih hnua inthlanpui buatsaihah khan thlan tlin niin, Prime Minister hna a chelh nghal a ni. Thuneihna a chan chhung hian amah thlawptute chuan 'Baba' emaw, 'Father' emaw tiin an sawi ṭhin.