Pakistan hospital bula bomb puakah mi 40 thi

Pakistan chhim thlang lam, Balochistan province-a Quetta khuaa hospital bulah nimin khan bomb chak tak a puak a, mi 40 an thi a, midang 50 chuangin hliam an tuar.

Police leh official-te chuan nimin zinga mi tu tih hriat loh ten an kahhlum, Balochistan Bar Association (BA) president, advocate Bilal Anwar Kasi-a ruang chu lawyer rualten damdawii-ina an kalpui lai takin bomb hi a puak niin an sawi. Thi leh hliam zinga a tam zawk hi lawyer an ni.

Bomb puah hnu hian Kasi-a ruang dahna, emergency ward bulah silai hmehpuah ri pawh hriat zui a ni bawk. Pawikhawihna thlenna hmunah hian Frontier Corps leh police tam tham tak tirh nghal an ni.

Nimin zing khan Advocate Kasi hi hnathawk tura a chhuak chu Queetta-a Meghal Chowk-a Manno Jan kawngpuiah mi pa≠hnihin a motor nasa taki an kap a, Kasi hian hliam na tak tuarin Civil Hospital panpui ni mah se, a hliam tuar loin a thi zui a ni. Advocate Kasi kaptu leh hospital bula bomb tipuaktute hi eng pawl nge tih hriat a la ni lo.

Balochistan province hian Iran leh Afghanistan a ri a, oil leh gas tamna bial a ni. Mahse Shia leh Sunni muslim-te inkarah buaina a chhuak reng a, an ni bakah hian inlakhran duhtu pawlten pawikhawihna an thlen fo bawk.