Thailand mipuiten danpui siamthar tur thlawp

Thailand mipuite chuan sipai kaihhruai sorkarin an ram danpui thar tur a duan chu an thlawp.

Pathianni khan danpui thar siam thar chung≠changah mipuite vote lak a ni a, vote tla hi 50% a tling niin official-te chuan an sawi. Vote tla hi chhiar zawh thawkhat a ni tawh a, an zinga 62% chuan ram danpui thar tur duan hi an thlawp a, a thlawp lo lamah vote 38% a tla niin Election Commission chairman Somchai Srisutthiyakorn chuan a sawi.

Ram danpui thar chungchang zawhna siam rual hian zawhna pakhat, House of Representive member 500 ten prime minister an thlan chhuahnaah sipai sorkar≠in a thlanchhuah Senator 250-te nge, National Council for Peace and Order (NCPO) telh an duh zawk tih zawh an ni bawk. Vote thlaktu zinga 58% chuan PM thlannaah senator-te thuneihna pek ve an duh laiin, 42% chuan NCPO te thlan tir an duh thung.

Sipai sorkarin a duan, an ram danpui siamthar hi phek 105-a chhah a ni a, section 279 ah
ṭhen a ni. Danpui thar hi eiruk dona thar tur dan pawimawh tak a ni tel tih sawiin, eirukna dotu National Counter Corruption Commission hnenah thuneihna sang tak a pe a ni.

Pheu Thai party chuan danpui thar tur duan hi sawi≠selin, official-te humna tur a tam a, Constitutional Court leh independent organization-te thuneihna a pe sang lutuk niin a sawi a, hei bakah hian NCPO member-te hrem theih loha a dah chu a dik tawk lo tih an sawi.

Prime Minister hlui leh Democrat Party hruai≠tu, Abhisit Vejjajiva chuan danpui thar duan chu eirukna doletna kawngah a ṭha tawk dawn lo tih a sawi a, politics buaina chinfel theihna a awm daw lo a, politician-te chanvo a tihnep sak avangin buaina lian tham chawhchhuah mai a hlauhthawnawm zawk niin a sawi.