Iran-in nuclear scientist khaihlum

Iran chuan US tana enthlak hna thawka puha thiam loh a chantir, nuclear scientist Sharam Amiri chu a khaihlum.

Iran judicial spokesman, Gholamhossein Mohseni Ejehi chuan Pathianni khan Mizan online news site-ah hemi chungchang hi sawi≠chhuakin, Iran chuan nuclear program a siam mekah thuruk pawimawhte an hmelma, US hnena hrilha puh, Shahram Amiri chu a khaihlum a ni, a ti.

Hemi hma hian Amiri nu chuan BBC hennah a fapa ruang chu a kuta an hlan thu leh, a nghawngah hruia hlinna hnuhma a lan thu a lo sawi tawh bawk.

Amiri hi kum 2009 June thla khan Saudi Arabia-ah a kal bo a, mahse a hnu kum khatah US-ah hmuh a ni. Kum 2010 July thla khan Iran-ah a kir leh a, Saudi-a Medina khuaah CIA agent pa≠hnihten an rubo niin a sawi. Tehran-a a kir hian sorkar mi pawimawhte pawhin an lo hmuak a, TV talk show-ah inlan tura sawm a ni bawk. Reporter-ten an kawmnaah Amiri chuan Saudi leh American enthlatuten manin an hreng lui a, Iran thuruk pawimawhte hrilh tura an nawr thu a sawi a, mahse an nawrna chu a tihpuitlin sak lo niin a sawi. Mahse US offiical-te chuan Amiri hian Iran nuclear program thuruk a hrilh avangin dollar maktaduai tel pek a ni dawn tih an sawi thung.

Iran thuneitute chuan Amri thusawi hi an pawm thei lo a, a hnuah an man zui a, mahse puanzar a ni lo. Man a nih hnu hian a awmna chin pawh zep a ni a, a chungthu hi ngaihtuah zui a ni, thiam loh chantir a nih chungchang pawh hi puanchhuah a ni lo. A chhungte chuan kum 10 chhung tang turin an ngai niin Ejehi chuan a sawi.

Kar kalta Thawhlehni khan Iran chuan thiam loh chantir tawh mi eg emaw zat khaihlum an nih thu a sawi a, an hming erawh a puangzar lo. Mahse Pathianni khan Ejehi chuan khaihlum zingah hian Iran-in pasal-
ṭha ang maia a lo ngaih tawh, mahse an ram phatsana US hnena thuruk pawimawh lo hrilh≠tu scien≠tist hi khaihlum zing≠ah a tel thu a tarlang a ni.