Trump-a'n Supreme Court-ah petition thehlut

US president elect Donald Trump chuan New York court-in sum hmanga mi dang ka hupa puhna thubuaia thiam loh a chantirnaah, vawiina hremna tih chhuah a tum chu dan sak tura ngenin Supreme Court-ah petition a thehlut.

Judge Juan M. Merchan chuan nikum May thla khan Trump hi mi dang ka hupna atana sum a pek thupna turin, business record dik loa siama puhna a nihnaa thiam loh chantirin, US President atana Trump lak luh a nih hma ngeiin a hremna hi tih chhuah a tum a ni. Trump legal team chuan Judge Merchan hnenah hei hi kaltlangpui lo turin a ngen tawh a, mahse an ngenna a hnawlsak vangin Supreme Court lamah an kal leh ta a ni.

Trump hremna tur hi tih chhuah ni mah se, jail tantir emaw pawisa chawitir emaw a ni dawn lo tih judge Merchan chuan a sawi. Mahse thil dik lo tia thiam loh chantir ni chungin Trump hi US President atana lak luh hmasa ber a ni thei dawn a, hei hi Trump leh a team lam hian dan theih an duh a ni.