Poland-in Israel PM Netanyahu a venhim tur thu sawi

Gaza Strip-a indona thleng kaihhnawihah, International Criminal Court (ICC) chuan Israel prime minister Benjamin Netanuyahu man theihna, arrest warrant a ti chhuak tawh a, mahse Poland chuan he thupek hi a zawm ve dawn lo a, Israel PM hi an ramah zalen taka a zin theih tur thu a sawi.

Poland sorkar chuan tun thla tawp lama Auschwitz-Birkenau concentration camp tih tawp a nih champa vawi 80-na pual hun hman turah, Israel PM leh official dangte pawh an rama zalen taka an zin theihna turin resolution a siam a ni.

Polish Prime Minister Donald Tusk office chuan an resolution siam chungchang hi sawi langin, 'Polish sorkar chuan Israel ram hruaitute, January 27, 2025-ah Juda hnamte, Holocaust tuartute hriatrengna puala hun hman tura kalte chu a venghim dawn a ni," tiin priem minister, president leh minister pawh ni se, tupawh Auschwitz-a hun hman tura kalte chu him takin an awm veng a, tumah man leh hren an ni dawn lo, tiin a tarlang.

Nikum November thl akhan ICC hian Netanyahu leh a defence minister hli, Yoav Gallant bakah Hamas hruiatu Ibrahim a-Marsi , Mohammad Deif tia hriat larte laka arrest warratnt hi a ti chhuak. ICC member ramte chuan arrest warrant an siamsakte hi an rama an luh ruala man tura tih an ni a, mahse cour thian nawr lui theihna erawh a nei lo thung. He warrant hi ICC membe ram eng emaw zat chuan a thlawp lo a, a thlawp lo zingah hian Poland pawh hi a tel a ni.

PM Netanyahu chuan Auschwitz -a hriatrengna hun hman tura hian a tel dawn leh dawn loh a la sawi chiang lo a, kum hmasa lamah chuan lo tel ṭhin mah se kumina chuan a aiawhin Education Minister a tir dawn nia sawi thawm a awm.