Ukraine-in advisor atan Tony Blair a sawm

Ukraine chuan Britain Prime Minister hlui, Tony Blair chu an ram tana advisor hna thawk turin a sawm. Russia nena an inkar boruak ṭha lo siamthat dan kawng zawng turin a duh a ni.

Ukraine President Petro Poroshenko chuan British PM hlui chu a tawnhriat neih tawhte aṭanga an mi duh tak a nih thu a sawi.

Russia thlawp, Ukraine helpawl leh Ukraine sipaite chu hun rei tak an ram khaw­chhak lamah an inbei tawh a, mahse tunah hian inkahhai an puang mek a ni. Mahse inremna an siam hi a hlawhchham hlauhthawnna a lian hle a, he inremna hi tihtawp a nih chuan thisen chhuahna nasa tak a thlen leh ngei rin a ni.

Thuchhuah siamin, Ukraine sorkar chuan, "Tony Blair hi a tawnhriat neih tawhte chhawr ṭangkai a, Ukraine President tana International Advisory Reform Council-a thawk turin sawm a ni," a ti. A hlawh tur zat erawh sawichian a la ni lo.