Hong Kong-in China sorkar thlawp bill a hnawl

Hong Kong politician-te chuan China sorkarin a thlawp, Hong Kong-a inthlanna dan siamṭhatna bill chu an hnawl.

Inthlan dan siamṭhatah hian kum 2015 inthlan neih tura Hong Kong-a chengte, vote nei thei chinte'n roreltu, Chief Executive an thlan vek theihna tura ruahman a ni. Mahse inthlana candidate tur erawh China sorkar ruat, loyalist committee-in a thlan a ni tur tih a ni.

China thlawp, inthlan dan siamṭhatna hi Hong Kong politician-te bakah democracy thlawptu mi tam takin an duh lo a ni. He ruahmanna hi democracy lem din tumna mai a ni, an ti.

Ningani khan City Legislative Council chuan he dan siam thar hi a ngaihtuah a, mahse a duhlotu lamah vote 28 tlain a thlawp lamah vote riat chauh a tla thung. Bill hi tlang tur chuan legislature member hmun thuma ṭhena hmun hnihin an thlawp a ngai a ni. Bill hnawl a nih avang hian sorkar thlawptu, roreltu pariat-te chu house aṭangin an chhuak tau.