US-a biak in beihnaah mi 9 kaphlum

US, South Carolina-a Charleston khuaah mihang biak-in chu mi pakhatin silai nen a bei a, mi pakua a kaphlum.

Charleston police hotu Emanuel African Methodist Episcopal Church chu Nilaini zan dar 9 vel khan beih a ni tih a sawi. Biak-in beitu hi mi ngo, tlangval kum 21 mi vel nia hriat a nih thu a sawi bawk. Mi pakua an thih bakah midang pariat-in hliam an tuar.

Police Department thupuangtu, Charles Francis chuan biak-in pawikhawihna thlenna bulah hian bomb kam a nih tih a hnuah thuthang a awm leh niin a sawi. Hei vang hian helicopter hmangin biak-in a chhehvelte hi uluk taka enfiah a ni. Biak-in kah a nih lai hian police chaplain pawh a awm.

Pawikhawihna thleng vang han rinhlelh thila police-te chuan mi pakhat leh a camera an mansak a, mahse a nih hnuah pawikhawihtu a nih loh thu sawiin misual hi zawn mek a ni tih an sawi.

Emanuel African Methodist Episcopal Church hi Charleston biala mihang biak in lian leh upa ber nia sawi a ni. Kum 1891-a sak a ni a, building pawimawh taka ngaih a ni a, 'Mother Emanuel' tia sawi ṭhin a ni. He biak-in pastor chu Senotor Clementa Pinckney a ni a, thi zingah hian a tel.