Russia-ah Turkey President a zin

Turkey President Recep Tayyip Erdogan chu nimin khan Russia-ah a zin a, Russia President Vladimir Putin nen meeting an nei. Erdogan hi July thla tira a kaihhruai sorkar paihthlak tuma beih a nih hnua ramdanga a zinchhuah lehna hmasa ber a ni.

Russian state media-in a kawmnaah, Turkey President chuan Russia ram a tlawh chu ram pahnihte inkar boruak ṭha leh bul ṭanna thar siamna tur mellung pawimawh tak a nih thu a sawi.

Nikum November thla khan Russia fighter jet chu Syria ramri bulah Turkey hian a kahthlak sak a, hei vang hian ram pahnihte inkar boruak a chhiat pha hle. Russia President Putin pawhin sum lama Turkey ram hrekna tur a siam phah a ni. Mahse kumin June thla khan Putin hian Turkey President-in he thil thleng chungchanga thupha a chawina chu pawmin, an ram a hrekna pawh a hlip nghal a ni.

Turkey thuneitute sorkar paihthlak tuma inhnamhnawihte laka beihpui thlak a, mi tam tak a man leh hrem chung≠changah European Union hruaitute chuan a che na lutuk niin an sawisel a, mahse hetihlai hian Putin chuan Erdogan hi telephone-a biain, an thlawp thu a hrilh a ni.