Denmark-ah eptu ṭangrual pawl an chak

Denmark rama parliament inthlanpui neihah eptu ṭangrual pawl an chak.

Eptu ṭangrual pawl, Prime Minister hlui Lars Loekke Rasmussen-a kaihhruai center-right blue bloc hian vote tla ṭangin 52.3% a hmu a, Prime Minister ṭanglai Helle Thorning-Schmidt kaihhruai rorellai center-left red bloc chuan 47.7% a hmu a ni.

Blue bloc hian Denmark parliament-a seat 179 awmah, seat 90 a la a, majority a nei pha a ni.

PM Thorning-Schmidt-i party, Social Democratic Party chuan seat 47 lain party malah seat la hnem ber a ni. Rasmussen-a kaihhruai Liberal Party chuan seat 34 a la bawk.

Thorning-Schmidt chuan an chak loh a pawm thu sawiin, nimin khan Social Democratic party hruaitu a nihna aṭanga banna a thehlut nghal a ni. Vawiin hian an ram lalnu hnenah kalin, a kaihhruai sorkar chu a bang dawn tih a hrilh dawn a, sorkar thar siam tur chu Rasmussen-a kutah a awm tawh dawn a ni, a ti.