Venezuela President-in Donald Trump rukru-ah a puh

Venezuela President Nicolas Maduro chuan US billionaire leh presidential candidate chuh tumtu, Donald Trump chu a thusawi chungchang avangin na takin a bei let.

Donad Trump hian Thawhlehni khan 2016 US President thlanna neih tura Republican candidate chuh a tum thu a puang a ni. Trump hian a thusawiah a khingpui turte leh Mexico mite chungchanga a sawichhuak a, Mexico aṭanga US-a pemlutte chuan pawikhawihna leh ruihhlote an luhpui niin a sawi. 'Mexico chuan chuan a mi ṭha te rawn tir loin, harsatna tam tak neite a rawn tir lut zawk a ni. Heng mite hian ruihhlo an rawn keng lut a, pawikhawihna an rawn luhpui a, pawngsualtute an ni' a ti.

Mexico mite thlavang hauhin Venezuela President Maduro chu a ṭawngchhuak a, 'Donald Trump-a thusawi hi ka pawm lo. Amah hi misual, rukru a ni. US chuan heng kan unaute hi nasa taka tinawmnahin a tichhe zawk a ni' tiin an ram TV leh radio-ah thu a sawinaah a sawichhuak.

Mexico Interior Minister Miguel Angel Osorio Chong pawhin Trump thusawi hi thu awmze nei lo leh awm lo a nih thu sawiin, buaina chawh chhuah tumah a puh bawk.