IS-te hmunah Bible thlak tum

Sweden rama koh≠hran pakhat, Livets Ord (Word of Life) chuan Iraq rama Islamic State (IS) hmunah mini electronic Bible thlak an tum tih an sawi.

Bible thlakna atan hian drone hman a ni dawn tih an sawi bawk.

Hemi chungchang hi an kohhran website-ah tarlangin, mission director Christian Akerhielmm chuan an tum ber chu midangte tlawhpawh theih loha awm, an dikna chanvo rahbeh sak mekte hnenah Krista Chanchin ṭha hriattir a, beiseina siamsak a ni tih a sawi. Bible chuan mi beidawngte hnenah beiseina a pe a, hei vang a mamawhte hnenah he thuchah hi puandarh zel an duh tih a sawi.

Akerhielmm chuan Bible thlakna tura an project siam chu an thawk mek tih a sawiin, kar reilote hnuah Bible sang tel chu an thlak theih a beisei thu a sawi. An thil tum chu dan bawhchhiatna nia a ngaih loh thu a sawi bawk. An hmalakna turah hian pawl pakhatin a pui dawn tih a sawi a, mahse an pawl hming erawh a tarlang lo.

IS-te awmna electronic Bible thlak an tum hi pakhat dollar 17.50 man a ni dawn a, an senso phuhrukna tur hian thawhlawm an khawn a ni.

Hetihlai hian IS chuan Philippines-a Miss Universe pageant 2017 neih tur chu beih≠ah an vau. Video an tihchhuah tharah IS chuan Philippines rama an mi leh sate chu nakkum January thlaa Miss Universe thlan tura ramdang mi kalkhawmte chu bei tura fuihin, suicide belt siam dan zirtirna pawh download theihin an dah tel bawk.