France-ah ram kang vangin mi 1,000 sawnchhuak

France chhim lama ram ngaw kang vangin Marseille khawpui dinhmun a him tawk lo a, chenna in eng emaw zat a kan tawh bakah, mi 1,000 chuang zet chu hmun him lamah sawnchhuah an ni tawh bawk.

Ram kang hi Marseille khaw hmar lam ram aṭanga chhuak ṭan a ni a, kangṭhelhtu 1,500 chuangin ṭhelh mih tumin an bei mek a ni.

France official-te chuan Marseille khaw hmarlam km 25-a hla Vitrolles khuaah chenna in eng emaw zat a kang ral tawh a, a ṭhenawm Pennes-Mirabeau a cheng mi tak chu sawnchhuah an ni tawh bawk tih an sawi. Vitrolles emergency service chuan kangmei chhuak hi thunun theih a ni lo a, hun rei tak ruah a sur tawh loh vang leh thli a tleh tel avangin a kangkai chak hle tih an sawi. Ṭhelh mih a nih loh chuan Marseille khua hi a kai mai an hlauh thu an sawi. Ram kang hian hectare 2,260-a zau a kangkai tawh a ni.