Quetta hospital bulah bomb puak leh

Pakistan chhim thlang lam, Quetta khawpuia Civil Hospital bulah nimin khan bomb a puak leh a, security motor fuhin mi 13 in hliam an tuar. Nimina bomb puahna hi Thawhṭannia helhoin an bomb tihpuahna hmun kha a ni a, hemi ṭum hian mi 74 an thi a ni.

Home Minister Safaraz Bugti chuan nimina bomb tihpuah hi judge ho zuitu police beihna atana tihpuah nia a hriat thu a sawi. Bomb hi remote control hmanga tihpuah a nih thu leh, bomb puak pawh hi kg 3-4 vela rit a nih thu a sawi.

Thawhṭanni khan Civil Hospital bulah hian helhoin an kahhlum, Baluchistan bar association president suna lawyer ho an punkhawm laiin bomb hi tihpuah a ni a, bomb puak vanga thi zinga a tam zawk chu lawyer leh journalist an ni. He bomb puak hi Pakistan Taliban pawl pakhat, Jamaat-ur-Ahrar leh Islamic State firfiak pawl chuan an tihpuah niin an chhal ve ve a ni.