Hitler-a lemziak euro 391,000 in hralh

Nazi hotu, Adolf Hitler-a lemziak hrang hrang nia sawi chu kar kalta Inrinni khan Germany-a Nuremberg-ah lilam a ni a, a lemziak 14-te chu euro 391,000-a hralh a ni.

Hitler-a watercolour painting leh a lemziakte hi kum 1904-1922 inkar, Germany-a Nazy-te'n thuneihna an chan hma daiha a ziahte nia hriat a ni. A lemziak hralh zinga to ber chu Bavaria-a Neuschwanstein Castle lem a ni a, hei hi China mi pakhatin euro 100,000 in a lei.

Lemziak hrang hrangte hi hun eng emaw chen vawn ṭhat an ni a, a lemziak zinga Nazi symbol awm lo chu Germany-ah hian hralhchhuah phal a ni. Pangpar lem a ziah chu euro 73,000 a hralh a ni bawk.