Inrenchemna policy duh loh kawng zawh

United Kingdom (UK) a Conservative sorkar thlan tharin inremna kalpui a, mipuite tana sum a hmante tihtlem a tumna duh loin, Inrinni khan hmun hrang hrangah mipuite'n kawng an zawh.

Kawngzawh pui ber chu London-ah huaihawt a ni a, mipui pungkhawmte chuan Bank of England aṭangin Houses of Parliament thlengin kawng an zawh. An zingah hian Union leader-te leh British mi lar an ṭhahnem hle.

Liverpool leh Glasgow-ah pawh Prime Minister David Cameron-a kaihhruai sorkarin inrenchemna kalpui a tum dan duh loin kawng zawh a ni bawk.

London-a kawngzawh hi People's Assembly huaihawt a ni a, Glasgow-ah chuan Scotland United Against Austerity-te'n an huaihawt thung.

Eptu pawl, Labour party hruaitu Jremy Crobyn chuan sorkarin inrenchemna kalpui a tum chu mipuite intluktlan lohna tizualtu mai a ni, a ti.