Pakistan President hlui manna tur thupek tichhuak

Pakistan court chuan an ram President hlui, General (retired) Pervez Musharraf chu Lal Masjid hotu, Ghazi Abdul Rasheed thah a nih kaihhnawihah manna tur thupek a tichhuak.

District and session judge chuan sipai hotu hlui, Musharraf-a bail theih loha manna tur thupek hi kar kalta Inrinni khan a tichhuak.

Judge Kamran Busharat Mufti chuan Musharraf-a ukilte'n amah ngei court-a inlan kher phut lo tura an ngenna chu a hnawlsak bawk.

Police-te chu President hlui hi man a, July 24-a court-a a thubuai ngaihtuah a nih hunah hruai ngei tura hriattir an ni. Judge chuan hemi hunah hian court-ah Musharraf hi a inlan lo a nih chuan, a guarantor-te chungah pawh action lak theih a ni ang a ti.