China, Israel leh Myanmar-ah journalist man an tam ber : CPJ

Committee to Protect Journalist (CPJ) in 2024 prison census a tih chhuahah, kum 2024 chhung khan China, Israel leh Myanmar-ah an hna avanga journalist man an tum ber tih an tarlang.

CJP chuan nikum chhung khan China chuan journalist 50 manin, Israel-in 43 leh Myanmar-in 35 an man niin a sawi. Kum 2023 hmalam, Gaza Strip indona a thlen hma kha chuan annual presion census-ah Israel hi a lang khat hle tih a sawi bawk. Hetih lai hian China, Myanmar, Belarus leh Russia erawh list-ah hian an lang fo a ni, a ti.

Israel ramah journalist 10 vel chu West Bank-ah hren an ni a, hei bakah Gaza-ah Incarceration of Unlawful Combatants Law hnuaiah journalist eng emaw zat hren a ni bawk a, thubuai erawh siamsak an ni lo. Lawyer-te chuan journalist an hrente hi Israel-in an chanchin hriat a duhte an kawm leh biak vangte hreng an nih thu an sawi.

Kum 2024 chhungin a ram bial angin Asia chu journalist man tamna ber a ni a, khawvel puma journalist man zinga 30% chuang, mi 111 chu Asia khawmualpuia man an ni. Bangladesh chuan prime minister paihthlak tak, Sheikh Hasina thlawptu nia puh journalist pali a man a, India in pathum manin an zinga pahnih hi Kashmir mi an ni.