Pakistan-in online khuah--khirhna dan a pawm

Pakistan Parliament lower house, National Assembly chuan Pakistan Electronic Crimes Bill chu Ningani khan a pass.

He bill pass thar hian sorkar chu online hmanga thil tihchhuahte khuahkhirhna turin thuneihna a pe a, vantlang thil leh khawsakna kawnga harsatna thlen thei thil te leh, Islam sakhua sawichhiatna lam thil tihchhuahte chu a tihtawp sak thei dawn a ni. Hei bakah hian firfiakte chetna leh thiam loh chantir tawhte fakna leh thlawpna lam hawi thu tichhuakte chu kum sarih lungin tan emaw cheng maktaduai 10 emaw chawi tir theih an ni ang.

He bill hi July thla khan Senate-in a siam-
ṭhat hnuah national assembly-ah hian thawn a ni a, lower house hian a pass tak avangin a taka hman a nih theih nan President Mamnoon Hussain-a'n a pawmpui a, a hming a ziahhnan chauh a ngai tawh a ni.

Hetih lai hian activist-te chuan dan thar siam hi an duh loh thu sawiin, he dan hmang hian mipuiten an ngaihdan puangzar tura zalenna an neihte rahbet sak an nih an hlauhthawn thu an sawi. Tihelna lam hla phuah ṭhin, Begyhairat Brigade member Alif Atftab Saeed chuan dan thar siam hian nakin zelah pawh nghawng ṭha lo tak a nei dawn a ni, a ti.