China power plant puakah mi 12 an thi

China rama power plant-a thil puak vangin mi 12 an thi a, midang panga-in hliam an tuar.

Hubei province-a Dangyang khuaa power plant-a steam pipe chu Ningani tlai khan a puak a, thil thlen dan enfiah tur hian State Administration of Work Safety chuan team a tir nghal a, plant awmna bula chengte pawh hmun him lamah sawnchhuah an ni.

China rama industrial plant-te hian himna lampang an ngai pawimawh tawk lo nia sawi a ni a, chhiatna rapthlak tak pawh a thleng fo a ni. Sorkar chuan plant himna lam changtlung zawka kalpui a tiam a ni.

President Xi Jinping chuan nikum August 12-a Tianjin port city-a chemical puak avanga mi 170 chuangin nunna an chan phah aṭang khan thuneitute chuan himna lam ngaihpawimawh a ṭul zia an hriatchhuah phah ngei ang, a ti. Tianjin-a Binhai New Area-ah hian chemical company 583 zet a awm a, heng zinga firm 68-te chu a him tawk loh avangin khar tura hrilh an ni tawh a ni.