Myanmar-ah tuilian vangin harsatna tawk

Myanmar ram pumah tuilian vangin harsatna a thleng mek a, mi paruk an thih tawh bakah tui≠lian tuartu hi mi 420,000 chuang an tling tawh.

Ruahsur nasa avang≠in July thla laihawl vel
aṭanga tuilian an tawrh hi Bago, Ayeyawaddy leh Yangon bialah chuan a la ziaawm thei lo. Hetih≠lai hian Kachin state, Sagaign, Mandalay leh Magway bialah chuan tui hi a kam tawh a, tuilian tuarte tana relief camp siam pawh khar a ni tawh niin Ministry of Social Welfare, Relief and Resettlement chuan a tarlang.

Tuilian vang hian Bago biala khaw pakua, Ayeyawaddy-a khaw 12 leh Yangon biala khaw pathuma cheng mi tam tak chu hmun him lamah sawnchhuah an ni.

National Natural Disaster Management Committee chairman, Vice President U Henry Van Thio chuan Ningani khan Bago bial tlawhin, Moenyo khuaah tuilian tuarte a hmu a, chhawmdawlna te a sem nghal a ni.

Van Thio chuan tuilian vanga harsatna tawkte ṭanpui leh chhawmdawl turin sorkar chuan theih≠tawp a chhuah zel tih a sawi.

Myanmar khawthlang lam leh hmarthlang lam state, Chin leh Rakhine state-te pawh tuilian leh leimin tuar theih mai dinhmunah an ding mek nia sawi a ni bawk.