Pakistan-in Independence Day lawm

Pakistan chuan nimin khan an ram Independence Day vawi 70 an lawm a, a lawmna pui ber Islamabad-a Convention Centre-a neih chu President Mamnoon Hussain leh Prime Minister Nawaz Sharif-ten an hmanpui.

I-Day lawmnaah hian Kashmir buaina chungchang an sawi≠chhuak leh a, President Hussain chuan Kashmir mipuiten an chanvo an beihna kawngah an thlawp chhunzawm zel tur thu a sawi. An ram mipuite chuan Independence Day an lawm lai chuan Kashmir mipuite theihnghilh lo turin a chah bawk. Mipuite chu an ram hmasawnna tura theihtawp chhuah vek turin a ngen.

Ramchhung hmun hrang hrangah venhimna khauh taka kalpui a ni a, I-Day ni bik hian khawpui 40-ah mobile phone service tihtawp a ni a, internet service pawh khuahkhirh a ni bawk. Vantlang hmun pawimawh leh kawngpuite chu an ram puanzar leh ram hruaitute thlalakin an chei a ni.