Taliban-in an mi mante chhuah

Afghan Taliban-te chuan kar hmasa-a Pakistan helicopter chesuala chuang an man, mi parukte chu Inrinni khan an chhuak. An zingah hian Russia mi pakhat a tel.

Russia siam transport helicopter hi siamṭhat tura Pakistan hmarthlang lam, Peshwar aṭanga Uzbekistan lam a pan laiin, August 4 khan Logar province khawchhak lam Azra tlangah khawl lam chian loh vangin a tla a, helicopter-a chuangte hi him vek mah se, an tlakna hmunah hian Taliban-te chuan an lo man zui a ni. Mahse Inrinni khan chhuah turin tribal hruaitute hnenah an mi mante hi an hlan a ni. Official-te chuan Taliban-ten an mi man an chhuahte hi Islamabad thlenpui an ni tawh a, an chhungte pawh an hmu thei thuai dawn tih an sawi.

Helicopter-a chuangte chhuah an nih theih nan hian Pakistan-a tribal hruaitute chuan Afghanistan-a tribal hruaitute chu hma lakpui turin an ngen a, hei bakah hian Pakistan ram hruaitute pawhin Afghan sorkar hotute an be bawk a ni.