Switzerland-ah rel hal

Switzerland hmarchhak, St Gallen canton-a Slez bulah mi pakhatin rel a hal a, rel-a chuangte chemin a bei zui bawk. Mi parukin hliam na tak an tuar.

Pawikhawihtu hi kum 27 mi vel, Swiss mi a ni a, amah pawh damdawi-in panpui a ni.

St Galen regional police thupuangtu, Bruno Metzger chuan he pawikhawihna thleng hi firfiakte nen inzawmna an nei em tih an la sawi thei lo tih a sawi.

Rel halna hmunah hian chhanchhuah hna thawk turin helicopter pathum tirh nghal a ni a, police ṭhahnem tak tirh luh an ni bawk.

Pawikhawihna thlen lai hian rel hi Buchs leh Sennwald khaw inkara Salez station pana a tlan lai a ni a, khualzin eng emaw zat an chuang a ni. Hliam tuar zingah hian naupang kum ruk mi pawh a tel a ni.