Obama'n Louisiana-ah emergency puang

US President Barack Obama chuan tuilian vang≠a harsatna thlen mek≠na, Louisiana state-ah Pathianni khan emergency a puang.

White House thu≠chhuah chuan Louisiana-a tuilian vang hian mi 7,000 chu chhanchhuah an ni tawh tih a sawi. Emegency puan a nih vang hian chhanchhuah hna thawhna atan sorkar≠in sum tam zawk a pe chhuak thei dawn a ni.

Governor John Bel Edwards chuan an state-in tuilian a tawrh nasat ber ṭum a nih thu a sawi a, ruahsur chuan ziaawm lam pan mah se an buaina chu a la reh mai dawn lo niin a sawi.

Tuilian vang hian Li≠vingston Parish-a cheng mi sang tel chu hmun him lamah sawnchhuah an ni tawh a, mi dang eng emaw zat chhanchhuah ngai an la awm bawk.

Louisiana National Guard chuan tuilian tuar≠tu mi 500 leh ranvulh 61 an chhanchhuak tawh tih a sawi a, Coast Guard-te chuan helicopter hmangin tuilianin an in a chimsak avanga in chung lama tlanchhia,mi 50 chuang an thiar chhuak tawh tih an sawi bawk.

Kar kalta Zirtawpni khan Louisiana chhim chhak lam bialah hian ruah cm 15-25 vel a sur a, Inrinni-ah nasa takin a sur zawm leh bawk. National Weather Service chuan Louisiona hmar lam leh Texas chhim lamah ruah hi nasa takin a sur leh dawn niin an tarlang.