California ram kang vangin mi 4,000 sawnchhuak

US-a California state-ah ram kang vangin mi 4,000 chu hmun him lamah sawnchhuah an ni.

Ram kang hian Pathianni khan Northern California-a khaw pahnih a kan kai avangin chenna in 10 chuang a chhia. Kangmei chhuak hian Lower Lake khuaa Main Street a thleng tawh a, he khua hi San Francisco aṭanga mel 900 vela hlaa awm a ni. Khaw chhunga post office, winery, Habitat for Humanity office leh sumdawnna hmun eng emaw zat a kang chhe tawh.

Clearlake khuaah pawh ram kang hian khawchhung a mankai avangin venthawn thilah hospital-a damlo 16 awmte chu mel 25-a hlaa hospital dangah sawn an ni a, chhanchhuah hna thawktute pawhin ranvulh eng emaw zat an chhanchhuak bawk.

Ram kang hi kar kalta Inrinni-a chhuak a ni a, khaw lum leh thli tleh avangin a darh chak hle a, mel nga biala zauah a kangkai tawh a ni.