Kurdish sipaiten IS kut aṭangin khaw pakua la let

Iraqi Kurdish security force-te chuan Iraq rama Islamic State (IS) firfiakte kut aṭangin thingtlang khaw pakua an la let tih an sawi.

Kurdish sipaite hi US kaih≠hruai ṭangrual ramten thlawhtheihna hmangin IS hmun pawimawhte an lo beihpui a ni. Iraq khawpui, Baghdad hmarlam km 400 vela hla, Mosul khaw hmarchhak lama thingtlang khuate hi Pathianni zing khan firfiakte kut aṭang hian an la let a ni.

Firfiakte pawh hian mortal shell leh machine gun hmangin an lo bei let a, mahse Kurdish sipaite hian khaw pakua hi an lut thei a, khaw dangah pawh an la inbei chhunzawm zel. Kurdish sipaite hian IS firfiak 47 an kaphlum a, Kurdish sipai pathum an thi a, mi dang 15 in hliam an tuar bawk.

Iraq rama khawpui lian pa≠hnihna, Mosul laklet tumin Iraq leh Kurdish sipaite hian an bei mek a, he khua hi kum 2014 June thla khan IS-ten Iraq sipaite kut
aṭangin an la a ni.