Sudan-ah tuilian vangin mi 100 chuang thi

Sudan ramah tuilian vang≠in mi 100 chuang an thi tawh a, chenna in tam tak a chhe bawk.

Kar hnih chhung nasa taka ruah a sur vangin Sudan ram hmun hrang hrangah tui a lian a, khawchhak lama Kasala state, Sennar, South Kordofan, West Kordofan leh North Darfur te chu a tuar nasa zual an ni a, thingtlang khaw eng emaw zat chu tuilian hian a chim a ni.

Sudan khawchhak bial leh an ram khawpui, Khartoum chu tuilian vang hian inkalpawh theih lohin a awm mek a, tuilenna biala cheng tam tak chu tlangsang lamah himna zawngin an tlanchhia a ni.

Kawngpui a chhiat avangin chaw, tui thianghliam leh damdawi pawh an tlachham ṭan a, Kasala khaw hotu Taha Mahmoud chuan nikhatah chaw vawi khat chauh an ei a, ruahtuite an ring tawh tih a sawi.

Kasala state bikah hian tuilian vangin mi 25 an thi a, chenna in 8,000 vel a chhe bawk. Ramchhung hmun danga mi te nen tuilian vanga thi hi 100 an chuang tawh a ni.