Pakistan-in fir-fiak 11-te thi tura hremna pe

Pakistan Army Chief, General Raheel Sharif chuan firfiak 11, pawikhawihna hrang hrang thlentute thiam loh chantir te chu thi tura hremna pek an nih thu a sawi.

Thi tura hremna pekte hi Balochistan province-a intelligence leh police officer-te thahnaah pawh an inhnamhnawih nia sawi a ni. Hei bakah hian civil mi beihnaah te, school leh communication infrastructure tihchhiatnaah te an tel bawk. Heng mi 11-te hi military court-ah an chungthu ngaihtuah a ni.

Military court-in thi tura a hrem firfiakte hi Taliban leh firfiak pawl danga mite an ni. He court hi kum 2014 December thlaa firfiakten army school an beih hnua, firfiaka chetnaa inhnamhnawihte chungthu rang zawka rel fel a nih theih nana din a ni.

Thiam loh chantirte hian President hnenah an appeal thei leh dawn a, mahse President hian firfiaka chetna kaihhnawih thubuaia thiam loh chantirte ngenna chu a hma pawhin alo hnawlsak vek tawh a ni.