Iran base aṭangin Russia sipaiten beihpui thlak

Russia sipaite chuan a ṭum khatna atan Thawhlehni khan Iraq air base aṭangin Syria-a firfiakte lakah beihpui an thlak.

Iran air base-ah hian a indo thlawhtheihnate a dah luh hnuah an hmang zui ta a ni. Russia sipaite hian Syria President Bashir al Assad-a puiin Syria sorkar laka helte a beihpui a, hei bakah hian IS fir≠fiakte lakah beihpui a thlak tel bawk. Iran air base an hman tak avangin Syria ram thlenna atana an hun sen zat pawh a tlem phah hle a ni.

Defence Ministry chuan Iran-a Hamedan air base-ah hian August 16 khan Tu-22M3 long range bomber leh Su-34 frontline bomber-te full load in dah luh an ni tih a sawi a, air base aṭang hian thlawk chhuakin Aleppo, Deir Ezzor leh Idlib-a Islamic State (IS) leh Jabhat al-Nusra firfiak pawlte an bei zui niin a sawi.

Russia sipaite hian IS kuta awm mek, Aleppo province-a Al-Bab khua leh, Idlib bila Saraqeb khuaa firfiakte trianing camp leh warehouse-te an bomb chhiatsak niin ministry chuan a tarlang.

Iran Supreme National Security Council Secretary Ali Shamkhani chuan Russia leh Iran chu Syria rama firfiakte beihna atan an thawhdun tur thu alo sawi tawh a ni.