California ramkang vangin mi 82,000 sawnchhuak tawh

US-a California state-a ram kang vangin mi 82,000 chu hmun him lamah sawnchhuah an ni tawh a, Thawhlehni khan Governor Jerry Brown chuan ramkang vang hian emergency a puang.

Ramkang hian building 34,5000 vel chu dinhmun hlauh≠awmah a awm mek nia tarlan a ni bawk.

Governor Brown chuan ram kang nasatna bial, Los Angeles khawchhak lam km 100 vela hla, San Bernardino County-ah state of emergency hi a puang a ni.

California-ah chuan kang mei chhuak hian chenna leh sumdawnna in 175 chuang a kang chhe tawh a, mipui himna atana a hlauhthawnawma hriat a nih vangin hmun him lamah insaseng turin hrittir an ni bawk.

Kangmei chhuak hi kangṭhelh≠tu 700 chuangten theihtawp chhuahin an ṭhelh mek a, an zinga pahnihin hliam an tuar.

Inrinni aṭang khan San Francisco hmarlam mel 100 vela hlaah ram a kang leh bawk a, he ramkang Clayton Fire an tih hian ram acre 4,000 chuang a kangkai tawh a, kangṭhelhtu 1,700 velin an ṭhelh mek a ni.