London-a NKorea deputy ambassador a tlanchhia

London-a North Korea deputy ambassador ni mek, Thae Yong Ho chu inhumhimna zawngin ram dangah a tlanchhia niin South Korea chanchinbu, JoongAng Ilbo chuan a tarlang.

Thae Yong Ho hi deputy ambassador bakah, North Korea embassy-a counsellor nilai a ni a, a nupui leh a fapa pawh a tlanchhiatsan nia tarlan a ni a, mahse a tlanchhiatna ram hi tarlan a ni lo.

Hemi chungchang hi North Korean embassy chuan a la sawichiang duh lo a, a ṭul an tih hunah an la sawichiang mai dawn niin a tarlang. Embassy hi biak pawh theih a ni lo a, Thae-a mobile phone pawh biak dawnin voicemail inbox-ah a lut zel a ni.

Kumin kumtir lam khan China-a North Korea restaurant-a thawk, North Korean waitress 12-te pawh South Korea-ah an lo tlanchhe tawh bawk. Kumin kumtir aṭanga July thla thleng khan NKorea mi, SKorea rama tlanchhia hi mi 814 an tling tawh niin SKorea Unification Mi≠nistry official chuan a sawi.