Pakistan-ah khawlum vangin mi 136 an thi

Pakistan-ah khawlum vangin kar kalta Inrinni aṭang khan mi 136 an thi tawh.

Thi te hi Pakistan rama khaw­pui lian ber, Karachi leh Sindh province district pathuma chengte an ni. Kar kalta Inrinni kha Karachi khawpuiah kumin chhunga a lum ber ṭum niin, khaw lum lam hi degree celsius 45 a tling.

Sindh province-a district pathum- Jacobabad, Larkana leh Sukkur-ahte chuan Inrinni khan degree celsius 48 a tling a, mahse Pathianni khan 41 ah a tla thla leh a ni.

Health official-te chuan mi tam takin khawlum hi zo loin an tluk phah a, thawk lama harsatna thlengin an nei tel tiin an sawi.