Abbas-a'n sorkar tharah Hamas telh a duh lo

Palestinian President Mahmoud Abbas chuan ṭangrual sorkar siam thar turah Gaza Strip thunun mektu, Hamas-te chu telh an ni dawn lo tih a sawi.

President Abbas hian Pathianni khan he thu hi Ramallah-a amah tlawhtu, France Foreign Minister Laurent Fabius-a hnenah a hrilh a ni. Abbas hian a kaihhruai Fatah pawl leh Hamas-te'n Palestinian unity sorkar an din chu awmze nei lo tia sawiin ṭhiah a nih tur thu a lo sawi tawh a, mahse Hamas lam chuan hei hi an pawm lo tih an sawi thung. Hamas hi EU leh US chuan firfiak pawlah a lo puang tawh a ni.

Abbas nena an inkawm hnua chanchin thar lakhawmtute a kawmnaah, France minister Fabius chuan, "Abbas hian unity sorkarah chuan hmeichhia leh Israel pawmtute an telh dawn lo bawk tih min hrilh a ni," a ti.