Ralthuam siamtute Kristian-ah an in chhal thei lo : Pope

Roman Catholic kohhran hotu, Pope Francis chuan khawvel hmun hrang hrangah ralthuam siamtute chu Kristian tia inchhal thei an ni lo, a ti.

Pathianni khan Italy rama Turin khawpuiah Pope hian hun hmangin, ṭhalai pungkhawmte hmaah thu a sawi. Pope chuan, "Ralthuam siamtute leh, ralthuam siamna tura sum tam tak petute chuan Kristian tiin an inchhal lo thei ang. An inchhal a nih chuan mahni ni lohna anga lan tum an ni ang," tiin a sawi.