US leh Canada-in ramri khar chhunzawm dawn

United States leh Canada chuan Covid-19 leng avanga ramri an khar chu ni 30 dang khar chhunzawm leh an tum. 

Ramri hi khar ni mah se mamawh chakkhai thilah erawh inkalpawh tawn phal reng a ni. Ramri hi kumi

n March thla laihawl aṭang khan khar ani tawh a, an ruahman lawk dan chuan September 21-ah ramri khar hi titawp tur a ni. Mahse hri lengin ziaawm lam a la pan loh avangin khar chhunzawm turin an ti leh ta a ni.  

Canada-ah hian Covid-19 hri kai mi 1,38,010 an awm tawh a, heng zinga mi 9,179 chuan an thihpui tawh a ni. Hei bakah hian Canada-ah hian nitin hri kai thar mi 838 an awm ziah anga chhut a ni tih Canada-a Public Health Agency chuan a tarlang. Hri kai an pun chhoh mek avang hian Canadian chief public health officer Theresa Tam chuan physical distancing guideline sorkarin a siam chu zawm ṭha turin mipuite a chah.

US chu hri kai tamna leh thihpui tamna ber a la ni reng a,  hri kai hmuh chhuah pawh an la ṭhahnem thei hle. Ram pahnihten hri kai an la hmuh chhuah belh reng avangin ramri pawh hi dan pangngai anga hawn chu a theih mai a rinawm loh.