Russia hrekna a pawtsei

European Union chuan Russia ram a hrekna chu nakkum January thleng a pawt­sei.

EU chuan Ukraine ramchhung buainaa inrawlhah Russia hi a puh a, hei bakah hian Ukraine laka inlakhran duha helte chu thlawp a, ralthuam peah a puh bawk. Mahse an puhna hi Russia chuan a pha thung.

Thawhṭanni khan EU chuan thuchhuah siamin, Luxembourg-a EU foreign minister meeting chuan Russia hrekna pawhsei hi lungrual takin an rel tih a sawi. A hmaa hrekna an lo siam chu July thla hian a tawp ang.

Ukraine khawchhak lama sorkar sipai leh Russia thlawp helpawlte inbeihna avang hian mi 6,400 chuang an thi tawh. Kumin February thla khan inkahhai puang mah se, an la inbei chhunzawm reng tho a ni.