IS firfiakte'n mi 2 khaihlum

Islamic State (IS) fir­fiak pawl chuan Muslim-te chaw nghei thla, Ramzan an hman mek laiin chhun en laia thil lo ei tlangval pahnih an khai­hlum.

Syrian Observatory of Human Rights chuan IS-te hian Syria rama Dier Ezzor province-a cheng, tlangval pahnihte chu khaw en laia thil eia puhin Hissba-a an pawl head­quarters bulah an khai­hlum tih a sawi.

Muslim-te hian kar kalta Ningani aṭang khan Ramzan thla hi an hmang ṭan a, Ramzan an hman chhung hian zing ni chhuah aṭanga tlai ni tlak hma, khaw en laiin thil ei, zu in, mei zuk bakah mipat hmeichhiatna thleng hman khap a ni. Syria leh Iraq rama bial zau tak thunun mektu, IS-te hian an ram luah chinah hian Islam dan khauh tak, Sharia law a kengkawh mek a ni.