Bin Laden-a fapain Saudi roreltute paihthla turin fuih

Terrorim-monitoring company, Site Intelligence Group (Site) chuan al-Qaida firfiak pawl dintu, Osama bin Laden-a fapa, Hamza bin Laden chuan Saudi Arabia mipuite chu an ram roreltute paihthla turin a fuih tih a tarlang.

Site-in a tarlan danin, Hamza hian audio message tichhuakin, Saudi
ṭhalaite chu roreltute an beihna tura an inbuatsaih nan Yemen-a al-Qaida in the Arabian Peninsula (AQAP) zawm turin a sawm a ni. AQAP hi kum 2009 January thla khan Yemen leh Saudi-a al-Qaida branch-ten an din a ni.

US intelligence official-te chuan kum 23 mi, Hamza hi Bin Laden-a'n a fapate zinga pawh a duh ber niin, al-Qaida pawl hotu atan pawh a aiawhtu tur atana a buatsaih niin an sawi.

Kum 1994 khan Saudi Arabia thuneitute chuan Osama bin Laden hian an ram lal chhungkua leh US dona thu a puan avangin an ram mi a nihna an hlihsak a ni. Hun rei tak a bihruk kual hnuin, kum 2011 khan Pakistan-ah UN Navy Seals-ten an kaphlum a ni.