South Sudan Vice President hlui a tlanchhia

South Sudan Vice President aṭanga ban tak, Riek Machar chu ramdangah inhumhimna zawngin a tlanchhia.

July thla khan President Salva Kirr-a guard leh Riek Machar-a bo≠dygurad-te chu inbeiin, buaina nasa tak a chhuah zui phah a, hemi hnu hian vice president a nihna
aṭangin ban a ni a, Machar pawh hi ram pawn lamah a zinchhuak nghal a ni.

UN thupuangtu, Farhan Haq chuan Nilaini khan March hi South Sudan ramri bul, DR Congro ramah a awm tih an hria a, a din≠hmun a him tawk loh avang≠in thlawhtheihna hmangin Congo khawpui, Kinshasa-ah an hruai tih a sawi. Riek March-a thupuangtu chuan vice president hlui hian Ethiopia ramah kal a duh tih a sawi bawk.

South Sudan ramah hian Machar leh Kirr thlawptute inkarah buai≠na chhuakin, hun rei tak an inbei a, nikum August thla khan pawl hnihte hian sorkar inṭawm siam turin inremna an siam a ni. Tualchhung buaina thleng vang hian mi za tel an thih bakah, mi nuai khat chuang zet chu ram dangah himna zawngin an tlanchhia.

Machar hi April thla khan vice president hna chelh tur hian South Sudan-ah hian a kir a, mahse buaina a chhuah leh hnuah president chuan a ban leh nghal a ni.

President Kirr-a thlawp≠tu sipaite hian thla hasa khan ramdang aṭanga chhawmdawl hna thawktute awmna an bei a, journalist pakhat a kahhlum bakah hnathawka awm hmeichhe ṭhenkhat chu sipaite hian an pawng≠sual nia sawi a ni. UN chuan he thil thleng chungchang hi a chhui chiang mek a ni.