Thamna sum dawngtu police chhui dawn

Indonesia chuan an rama dan loa ruihhlo zuarte hnena aṭangin police zingah thamna sum dawng ṭhin an awm nia sawi chu a chhui chiang dawn.

Ruihhlo tawlhru ṭhin pawl hotu pakhat, Freddy Budiman chu man a nih hnuin July 29 khan tihhlum a ni a, a inpuannah an sumdawnna kalpuina tur hian police, armed force leh anti-narcotic agency amite chu sum tam tham tak an pe ṭhin tih a sawi.

President Joko Widodo chuan police, military leh agency aiawhte awmna joint team chu hemi chungchang chhuichiang tur hian a ti a, an rama ruihhlo tawlh leh zuar ru ṭhinte dapchhuak turin theihtawp an chhuah zel dawn tih a sawi.

National Police Chief General Tito Karnavian chuan, "Dan bawhchhia an awm em tih kan chhui dawn a, Budiman-a'n US dollar maktduai 6.8 a pe nia a sawi pawh kan hrechhuak dawn a ni" a ti. General chuan Budiman-a pawl member-te pawh thu an zawhfiah tur thu a sawi bawk.

Indonesia hian July 29 khan Senegal leh Nigeria aṭanga an rama ruihhlo tawlhru nia puha thiam loh chantir, mi pathumte a lo tihhlum tawh bawk. Nikum khan ruihhlo tawlhru mi 14 te chu firing squad-ten an kaphlum bawk a, an zinga a tam zawk hi ramdang mi an ni.