US roreltuten Dalai Lama thlawp turin President ngen

US roreltu 72-te chuan President Barack Obama hnenah Tibet sakhaw hruaitu, Dalai Lama chu Tibet rama a kir leh theihna tura a thlawp thu vantlang hriata tilang tur leh, China-in politics vanga Tibet mi a mante intiamkamna engmah awm loa chhuahtir tura nawr turin an ngen.

President Obama hnenah lehkha an thawnah, roreltute chuan, President a nih chhungin Tibet mipuite a thlawpna chu a hma aia nasaa lantir turin an ngen a, ṭawngkam aia a taka lantir chu a pawimawh hle a ni, an ti. Khawvela harsatna thleng hrang hrang chungchang sawihona buatsaihah, Dalai Lama chu a thil tawn tawhte ṭangkaina a awm thei dawn a nih chuan inkhawm buatsaih apiangah sawm turin Obama chu an ngen bawk.